Hewlêr (Rûdaw) – 10emîn Kongreya Hingivanên Ereb û Welatên ser Deryaya Spî li Misirê bi beşdariya hingivanên Başûrê Kurdistanê birêve çû û hingivê Kurdistanê bû yekemîn.
Serokê Tora Hingivanên Herêma Kurdistanê Arif Şêrwanî ji Rûdawê re ragihand: “Di Kongreya Hingivanên Ereb û Welatên ser Deryaya Spî de, ku bi beşdariya 24 welatan birêve çû û Iraq û Herêma Kurdistanê jî beşdar bû, hingivê Herêma Kuristanê weke hingivê herî baş hate hilbijartin.”
Arif Şêrwanî herwiha diyar kir, ev ne yekem car e ku hingivê Herêma Kurdistanê weke hingivê herî baş tê hilbijartin, beriya niha jî di sala 2009an de li Fransayê weke hingivê herî baş hatibû hilbijartin û di sala 2015an de jî li Necefê, hingivê Herêma Kurdistanê li ser asta hemû welatên erebî, pileya yekem bi dest xistibû.
Şêrwanî weke din aşkere kir, ku biryar e di sala 2019an de Kongreya Hingivanên Ereb û Welatên ser Deryaya Spî li paytexta Herêma Kurdistanê bajarê Hewlêrê birêve biçe û got: “Em bawer in hingivê Kurdistanê dê her di pileya yekem de bimîne.”
Î.A
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse