Li hinek taxên Qamişlo ava gemar tevlî ava paqij bûye

Hewlêr (Rûdaw) – Li hin taxên bajarê Qamişloyê ava gemar tevlî ava paqij bûye û welatî ji gemarbûna ava vexwarinê bi gilî û gazind in.

Taxa Qedûr Bek ji kevintirîn taxên Qamişlo ye. Ji nêzîkî mehekê ve pirsgirêka tevlihevbûna ava avrêjinê bi ava vexwarinê re rû daye û welatî gilî û gazinan ji gemarbûna ava vexwarinê dikin.

Pirsgirêka tevlîbûna ava avrêjinê bi ava vexwarinê re, ji heftiyekê ve, gihiştiye taxên Zeytûniyê û Ekrad jî. Welatî êdî ziyaneke tendirustiyê ji vê avê dibînin.

Rojane bi dehan Welatî berê xwe didine pizîşkan, bi sedema nexweşiyên zikêş û vereşînê, pizîşk diyar dikin, ku sedema van êş û nexweşiyan ved ava gemar e, ku li hinek deveran tevlî ava vexwarinê bûye.

Berpirsek ji Kompaniya Avê sedema gemara avê vedigerîne zingarbûna torên boriyên av û avrêjinê li van taxan. Herwiha dibêje ku pêwîst e ev pirsgirêka metirsîdar, di zûtirîn dem de were çareserkirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger