QERS - Midîbusê li keriyê pez xist, 25 mih mirar bûn
Hewlêr (Rûdaw) - Li parêzgeha Qersê ya Bakurê Kurdistanê midîbusê li keriyê pez xist û 25 mih mirar kirin.
Midîbusa tûrê ya ku Muhammet Alî Şahînalp diajot û ji Wanê diçû Xirabeyên Aniyê, li ser rêya Qers û Aniyê li keriyekî pez xist.
Di qezayê de 25 mih mirar bûn.
Rê demekê girtî ma û piştî ku mihên mirarbûyî hatin rakirin, careke din vebû.
Xwediyê keriyê pez Yakup Ozturk, ji rojnamegeran ra got ku ew di cihê derbasbûna ajelan re derbasî mêrgê dibû lê midîbusê li keriyê wî xist.
Ozturk got, di keriyê wî de 700 serî pez heye û ew kêfxweş e ku tiştek bir rêwiyên midîbusê nehatiye.