Wezîr li ser erdheja Meletiyê daxuyanî da
Hewlêr (Rûdaw) – Wezîrê Karên Navxwe yê Tirkiyeyê Alî Yerlîkaya li ser erdheja li Meletiyê daxuyanî da.
Li parêzgeha Meletiyê ya Bakurê Kurdistanê erdhejeke bi hêza 5,9 pileyan çêbû.
Serokatiya Bivebiriya Karesat û Rewşên Bilez a Tirkiyeyê (AFAD) da zanîn ku navenda erdhejê navçeya Qelayê ye.
AFADê diyar kir ku erdhejê saet 10:46an rû daye û kûrahiya wê 10,07 kîlometre bûye.
“Dest bi xebatan hat kirin”
Wezîrê Karên Navxwe yê Tirkiyeyê Alî Yerlîkaya bi rêya hesabê xwe yê Xê li ser erdhejê got:
“Saziyên me yên pêwendîdar dest bi xebatên li qadê kir.”
Alî Yerlîkaya da zanîn ku bajarên li derdorê bi erdhejê hisiyane û got, “Em rûdanan ji nêzîk ve dişopînin.”
Yerlîkaya li ser hebûn an nebûna xisaran tiştek negot.