Li Semsûrê qeza: 6 birîndar
Hewlêr (Rûdaw) - Li navçeya Kolikê ya parêzgeha Semsûrê ya Bakurê Kurdistanê, du otomobîl li hev qelibîn û di encamê de 6 kes birîndar bûn.
Li ser rêya Kolik û Semsûrê li nêzîkî Taxa Baglarê, şeva borî otomobîla ku ajokarê wê M.T. bû û otomobîla ku şofêrê wê A.Ş. bû li hev qelibîn.
Di qezeyê de her du şofêr û 4 kesên di otomobîlan de birîndar bûn.
Li ser agahdarkirinê tîmên tenduristiyê, tîmên parastina sivîlan û polîs çûn cihê qezayê.
Tîmên tenduristiyê her 6 birîndar veguhastin Nexweşxaneya Dewletê ya Kolikê.