Hewlêr (Rûdaw) – Bi dronan êrişî Kampa Mexmûrê hat kirin.
Alîkarê Berpirsê Ofîsa Qereçûxê ya Yekîtiya Niştimanî ya Kurdistanê (YNK) ya Mexmûrê Reşad Gelalî ji Rûdawê re got:
“Êriş saet 10:15an bi dronan hatiye kirin."
Heta niha li ser xisarên êrişê ti agahî nehatine bidestxistin.
Hêzên ewlehiyê yên li kampê rê nadin ku ti kes here cihê teqînê.
Tirkiyeyê 10ê vê mehê êrişî Kampa Mexmûrê kiribû û kesekî canê xwe ji dest dabû.
Kampa Mexmûrê
Kampa Mexmûrê (Kampa Şehîd Rustem Cûdî) sala 1998an li quntarên Çiyayê Qereçûxê ji bo penaberên ji Bakurê Kurdistanê hat avakirin.
Li gorî amarên Îdareya Mexmûrê, nêzîkî 10 hezar kesan li kampê dijîn.
Tirkiye îdia dike ku li wê derê ji bo PKKyê kadro tên amadekirin û gelek caran êrişî Kampa Mexmûrê dike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse