Hewlêr (Rûdaw) - Serokwezîrê Herêma Kurdistanê, li Hewlêrê Balyozê Brîtanyayê yê Îraqê qebûl kir.
Hat diyarkirin ku her du aliyan çareserkirina pirsgirêkên di navbera Herêma Kurdistanê û Hikûmeta Îraqê de gotûbêj kiriye.
Serokwezîrê Herêma Kurdistanê Mesrûr Barzanî li Hewlêrê Balyozê Brîtanyayê yê Îraqê Stephen Hitchen qebûl kir.
Hikûmeta Herêma Kurdistanê li ser civîna her du aliyan daxuyaniyek belav kir û got:
“Guftûgo li ser çareserkirin pirsgirêkên di navbera Herêma Kurdistanê û Hikûmeta Îraqê de û mafên destûrî yên gelê Kurdistanê hatin kirin.
Serdana hefteya borî ya şandeya Hikûmeta Herêma Kurdistanê ya Bexdayê û civîna bi her sê serokatî û aliyên siyasî yên Îraqê ya li ser dabînkirina mafên darayî yên Herêma Kurdistanê wekî gaveke erênî ji bo çareserkirina pirsgirkan hate nirxandin.”
Hikûmeta Herêma Kurdistanê ragihand ku mijareke din a civînê jî "girîngiya parastina ewlehî û aramiya Herêma Kurdistanê" bû.
Serokwezîrê Herêma #Kurdistan'ê Mesrûr Barzanî Balyozê #Brîtanya'yê yê Îraqê Stephen Hitchen qebûl kir. pic.twitter.com/meXP5FGxhh
— RudawKurdi (@RudawKurdi) September 16, 2023
.jpg&w=3840&q=75)
