Li Sêrtê zarokekî 4 salî di hewzê de xeniqî

Hewlêr (Rûdaw) - Li navçeya Misircê ya parêzgeha Sêrta Bakurê Kurdistanê zarokekî 4 salî di hewzeke biçûk a li ber pêşiya malê de xeniqî.

Li gorî zanyariyan li navçeya Misircê ya Sêrtê zarokê bi navê Omer P. li pêşiya mal xwe dilîst lê piştî demekê di hewza ku ji bo ciwaniyê li pêşiya malê hatibû çêkirin de nîvxeniqî hat dîtin.

Malbatê ew ji hewzê derxist û bir Nexweşxaneya Dewletê ya Misircê.

Lê Omer tevî hewldanên bijîşkan li nexweşxaneyê canê xwe ji dest da.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger