Hewlêr (Rûdaw) - Li gundê Farxikanê yê parêzgeha Semsûra Bakurê Kurdistanê agir bi hinek zeviyan ket û tîm hewil didin agir vemirînin.
Agir li derdora 10 gundan belav bûye û welatî li ser medyaya civakî alîkariyê dixwazin.
Li gorî zanyariyan demjimêrên êvara îro li gundê Farxikan ê Semsûrê, ji ber sedemek nediyar agir bi zeviyên beyar ket.
Agir di demek kurt de gihişt hinek ji bexçeyên çandiniyê yên welatiyan.
Li ser agahdarkirinê tîmên agirvemirandinê çûn cihê bûyerê û ji bo vemirandina agir dest bi xebatan kir.
Agir berdewam dike û tîm li gel welatiyan hewl didin agir vemirînin.
Li gorî zanyariyan ji bilî gundê Farxikan, agir bi gundên Kistan, Ber Kire, Male Bawa, Zag û Kirxilli bi giştî derdora 10 gundan ketiye.
Zereke zêde gihiştiye bexçeyên çandiniyê.
Hinek welatiyan li ser medyaya civakî dîmenên agir belav kir û alîkarî xwest.
Herwiha bangî aliyên peywendîdar jî dikin ku bi helîkopteran midaxaleyî agir bê kirin.
Li gundê Farxikanê yê parêzgeha Semsûra Bakurê Kurdistanê agir bi hinek zeviyan ket û tîm hewil didin agir vemirînin pic.twitter.com/gnXQoCnCZx
— RudawKurdi (@RudawKurdi) July 16, 2024
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse