Li Stenbolê 18 kes hatin desteserkirin
Hewlêr (Rûdaw) - Li parêzgeha Stenbolê ya Tirkiyê, îro 16ê Hezîranê bi hinceta “endamtiya Cemaeta Gulen” 18 kes hatin desteserkirin.
Tîmên Şaxa Terorê ya Rêveberiya Ewlekariya Stenbolê, di çarçoveya lêpirsîna Serdozgeriya Komarê ya Stenbolê de îro 16ê Hezîrana 2023ê li Stenbolê bo desteserkirina 21 kesan operasyonek da destpêkirin.
Di operasyonê de bi hinceta “endamê Cemaeta Gulen”in 18 kes hatin desteserkirin.
Kesên hatin desteserkirin bo Rêveberiya Ewlekariya Stenbolê hatin birin. Bo desteserkirina 3 kesên din jî operasyon berdewam e.