Hewlêr (Rûdaw) - Li parêzgeha Wanê ya Bakurê Kurdistanê, jina ducanî û kurê wê ji ber tîşortê ku wêneyê Selahattin Demirtaş li ser bû li xwe kiribû hatin desteserkirin. Herwiha 6 kesên ku nerazîbûn nîşanî polîsan jî dan, hatin desteserkirin.
Li navenda Wanê li Kolana Hunerê polîsan jineke ducanî û kurê wê yê ku tîşortekî wêneyê Selahattin Demirtaş li ser bû li xwe kiribû desteser kirin.
Têkildarî bûyerê xelkê derdorê nerazîbûn nîşanî polîsan dan û di encama aloziyê de 6 kesên din ji aliyê polîsan ve hatin desteserkirin.
Parlamenterê HDPê yê Wanê Murat Sarisaç jî li ser hesabê xwe yê Twitterê behsa desteserkirina wê jina dujanî û kurê wê û herwiha 6 kesên din dike.
Murat Sarisaç herwiha vîdyoya bûyerê jî di twîttera xwe de belav kiriye û dibêje: “Ji ber kurê wê tîşortekî ku wêneyê Selahattin Demirtaş li ser bû li xwe kiriye jineke ducanî hat desteserkirin. 6 kesên ku nerazîbûn nîşan dan jî hatin desteserkirin. Ew kiryara li Wanê eger ne rêbirî (eşqiya) ye, çi ye? Li Wanê bi salane rewşa awarte ya kiryarî heye û ev çavkaniya hemû pirsgirêkan e.”
Nehat ragihandin ku kesên hatine desteserkirin bo kuderê hatine birin.
Hamile bir kadını, çoçuğunun tişörtü üzerinde #SelahattinDemirtaş resmi var diye gözaltına alınması.Buna tepki gösteren 6 kişinin de yine gözaltına alınması. Van’daki bu uygulama tam bir eşkıyalık değil de nedir? Yıllardır #Van’da fiili bir OHAL var ve bu,tüm sorunların kaynağı! pic.twitter.com/G0oGbLxOka
— Murat Sarısaç (@muratsarisac) June 15, 2022
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse