Hewlêr (Rûdaw) - Hat ragihandin ku di şerê ku li herêma Besta ya Şirnexê di operasyona li dijî gerîlayên PKKê de derket de leşkerekî din ê artêşa Tirkiyê û cerdevanek mirine.
Wezareta Berevaniya Tirkiyê di derbarê mijarê de li ser hesabê xwe yê medya civakî daxuyaniyek belav kir.
Wezareta Berevaniya Tirkiyê di daxuyaniyê de ragihand ku Çawîşê pispor ê bi navê Ozcan Îlhan miriye.
Herwiha Wezareta Berevaniya Tirkiyê da zanîn cerdevanê birîndar ê bi navê Cevher Ozgun jiyana xwe ji dest daye.
Wezareta Navxwe ya Tirkiyê îro ragihandibû ku di encama şerê ku li herêma Bestayê derketibû de 3 cendirme hatine kuştin û cerdevanek jî bi giranî birîndar bûye. Herwiha wezaretê diyar kir ku 3 gerîlayên PKKê jî jiyana xwe ji dest dane.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse