Hewlêr (Rûdaw) - Li navçeya Elbakê ya ser bi parêzgeha Wanê ya Bakurê Kurdistanê ve, li ser rêya gundên Xaşkan û Dirişkê li çar cihan aşût çêbû.
Li ser rêya Elbak û gundên Xaşkan û Dirişkê li çar cihan aşût çêbû û rêya her du gundan hat girtin. Tîmên Şaredariya Bajarê Mezin a Wanê, bo cihê bûyerê hatin şandin û xebatên vekirina rê dan destpêkirin.
Muxtarê Xaşkanê Ayhan Korkmaz got: “Li çar cihan aşût çêbûye, di aşûtê de tiştekî nerênî neqewimiye. Tenê dîrekên elektrîkê qulibîne. Tîmên Şaredariya Bajarê Mezin a Wanê û yên Şaredariya Elbakê, ji bo vekirina rêyan dest bi kar kirine.”
Ev hefteyeke li piraniya parêzgehên Bakurê Kurdistanê pêleke barîna berfê ya dijwar heye. Heta niha ji ber berf û pûkê rêya zêdeyî 2000 gund û cihên niştecihbûnê hatiye girtin. Herçiqas tîmên peywendîdar rêyan paqij dikin jî lê ji ber bê navber barîna berfê rê dîsan tên girtin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse