Li ser rêya Mûş-Çewlîgê 300 kes asê man

Wesayîteke ku asê mabû / Wêne: DHA

Hewlêr (Rûdaw) – Li rêya Mûş-Çewlîgê berf û bahozê rê girt û 300 kes 5 saetan di nava berfê de man.

Di encama xebatên tîmên rizgarkirinê de, rê hat vekirin û 300 kes rizgar bûn.

Li kîlometreya 45an a rêya Mûş-Çewlîgê ji ber berf û bahozê 50 wesayît sekinîn û nêzîkî 300 kesî asê man.

Li ser agahdarkirinê, tîmên Birêvebiriya Rêyan a 113an a Mûşê çûn cihê bûyerê.

Wan bi makîneyên xwe rê vekir û tîman xwarin ji kesên di wesayîtan de asî mabûn re birin.

Piştî 5 saetan wesayît ji berf û bahozê rizgar bûn.

Li aliyê din, li Erziromê jî ji nîvê şevê heta sibehê berf bariya û bahoz rabû.

Tîmên Şaredariya Bajarê Mezin a Erziromê li nava bajêr û gundan xebatên xwe didomînin.