Mereş: 258 demjimêran piştî erdhejê jinek hat rizgarkirin

Hewlêr (Rûdaw) - Li parêzgeha Mereşê ya Bakurê Kurdistanê 258 demjimêr piştî erdhejê jineke bi navê Neslihan Kiliç bi saxî ji bin kavilan hat derxistin.

Di erdhejên bi hêzên 7,7 û 7,6 pile de ku bandor li 11 parêzgehên Bakurê Kurdistanê û Tirkiyê kirin, xebatên lêgerîn û rizgarkirinê berdewam in.

Tîmên lêgerîn û rizgarkirinê di encama kar û xebateke dijwar de Neslihan Kiliç, 258 demjimêr piştî erdhejê, ji bin kavilên avahiya Ebrar a li Mereşê bi saxî derxistin. Piştî midaxeleya destpêkê Kiliç radestî tîmên tenduristiyê hat kirin û bo nexweşxaneyê hat veguhestin. Li gor zanyariyan rewşa wê ya tendirûstî baş e.

Her wiha beriya Kiliç bi 10 demjimêran jî keçeke 17 salî ya binavê Aleyna Olmez li heman parêzgehê hatibû rizgarkirin.

🔴#Bilez

Neslihan Kiliç a 42 salî, piştî 258 demjimêran ji bin kavilên Apartmana Ebrar a #Mereş'ê bi saxî hat derxistin.#Erdhej pic.twitter.com/P2FnijNCqL

— RudawKurdi (@RudawKurdi) February 16, 2023

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger