Hewlêr (Rûdaw) - Wezareta Karên Derve ya Almanyayê êrişa Îranê ya li Hewlêrê bi tundî şermezar kir û got, “Ew yekparçeyiya axa Îraqê binpê dike û aramiya tevahiya herêmê dixe metirsiyê.”
Supaya Pasdaran a Îranê şeva borî derdora saet 23:30î bi deh mûşekan êrişî 8 cihên Hewlêrê kir û pênc ji van mûşekan li mala karsazê Kurd Pêşrew Dizeyî ketin.
Di vê êrişa Îranê de Pêşrew Dizeyî, Kerem Mixayîlê ku karsazekî Îraqî yê Xirîstiyan e û dema êrişê mêvanê Pêşrew Dizeyî bûye û keça Pêşrew Dizeyî ya yek salî ya bi navê Jîne canê xwe ji dest da.
Wezareta Karên Derve ya Almanyayê li ser êrişê daxuyaniyek belav kir û wiha got:
“Em êrişa mûşekî ya îşev a Îranê ya neberpirsane bi tundî şermezar dikin.
Ew yekparçeyiya axa Îraqê bin pê dike û aramiya tevahiya herêmê dixe metirsiyê. Dilê me bi malbatên qurbaniyan re ye.”
بە توندترین شێوە سەرکۆنەی هێرشە مووشەکییە نابەرپرسانەکەی شەوی رابردووی ئێران بۆ سەر #هەولێر دەکەین. ئەم هێرشانە یەکپارچەیی خاکی عێراق پێشێل دەکەن و سەقامگیریی تەواوی ناوچەکە دەخەنە مەترسییەوە. بیرمان لای کەسوکاری قوربانییەکانە. https://t.co/mi78V4EOwY
— German Consulate Erbil (@GermanyInKRI) January 16, 2024
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse