Hewlêr (Rûdaw) - Endamê Komîsyona Hiqûqê ya Rêxistina CHPê ya Rihayê Ronayî Paydaş ragihandr ku li gundê Goganê Jor ser bi navçeya Xelfetî şaredariyê zeviyên ku xelk di nav de dijîn firotine û hejmarek darên zeytûnan ji kokê ve rakirine.
Derbarê mijarê de Endamê Komîsyona Hiqûqê ya Rêxistina CHPê ya Rihayê Ronayî Paydaş ji Rûdawê got: "Em dê van kiryarên Şaredariya Xelfetiyê bişopînin."
Paydaş dibêje: “Hejmarek xelkê gund karker in û şaredariyê vê zivistanê xaniyên wan xirab kirine. Hinek ji wan jî dibêjin eger xaniyên wan bên xirabkirin cihekî ku biçinê nîne û divê çareseriyek ji bo wan bê dîtin. Li nav zeviyê hejmarek darên zeytûnan ji kokê ve hatine rakirin. Em dê van kiryaran bişopînin û di warê hiqûqî de tişta pêwîst be bikin.”
Herwiha Paydaş li ser hesabê xwe yê Twîtterê dîmenên gund parvekirine û nerazîbûna xelkê pêşan daye.
Li parêzgeha Rihayê ya Bakurê Kurdistanê Şaredariya Xelfetiyê ji hilbijartinên sala 2019an û heta niha di destê AKPê de ye û gelek caran bi mijarên cûda dikeve rojevê ku di aliyê xizmetkirina gel de tê rexnekirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse