Polîsan parka Seyîd Riza dorpêç kirin
Hewlêr (Rûdaw) - Li Dêrsimê polîsan parka Seyîd Riza dorpêç kirin û rê bi daxuyaniya bi boneya 84emîn salvegera darvekirina Seyîd Riza û hevalên wî nadin.
Îro 84 sal di ser darvekirina Seyîd Riza û hevalên wî re derbas dibin û bi vê boneyê biryar bû li parka Seyîd Riza daxuyaniyek bê dayîn.
Lê parêzgariya Dêrsimê hemû çalakî li wê parêzgehê qedexe kirin û polîsan jî parka Seyîd Riza dorpêç kirin ji bo ku rê li ber wê çalakiya bi boneya bibîranîna darvekirina Seyîd Riza û hevalên wî bigirin
Li #Dêrsim'a Bakurê #Kurdistan'ê polîsan parka Seyîd Riza dorpêç kirin.
— RudawKurdi (@RudawKurdi) November 15, 2021
Biryar bû bi boneya 84. salvegera Komkujiya Dêrsimê û bîranîna Seyid Riza û hevalên wî, daxuyaniyek bo medyayê bê dayîn, lê çalakî ji aliyê parêzgariyê ve hatiye qedexekirin.
Video: Ali Haydar Gozlu / Rûdaw pic.twitter.com/UJJDwAP0WT