Li Semsûrê qeza: 5 birîndar hene
Hewlêr (Rûdaw) - Li navçeya Serê Golanê ya parêzgeha Semsûrê ya Bakurê Kurdistanê otomobîlek wergeriya.
Di encama qezayê de 5 kes birîndar bûn.
Li gor agahiyan, otomobîla ku şofêrê wê Abdulkerîm C. bû vê êvarê li ser rêya di navbera Semsûr û Serê Golanê de ji rê derket û wergeriya, di encamê de 5 kes birîndar bûn.
Li ser agahdarkirinê tîmên tenduristiyê û cendirme çûn cihê bûyerê.
Tîman li cihê bûyerê midaxeleyî birîndaran kir û ew veguhastin Nexweşxaneya Dewletê ya Serê Golanê.