Hewlêr (Rûdaw) - Li navçeya Elbakê ya parêzgeha Wanê ya Bakurê Kurdistanê, mînîbusa ku koçber tê de bûn wergeriya û 20 koçber birîndar bûn.
Li gor agahiyên hatine belavkirin, koçberên di mînîbusê de Efxanistanî bûne û şofêr û 4 koçber jî ji cihê bûyerê reviyane.
Doh êvarê li nêzîkî gundê Xancolisê yê Elbakê, mînîbusa ku koçber tê de bûn, ji ber sedemeke ne diyar ji rê derket û wergeriya.
Li ser agahdarkirinê cendirme tîmên tenduristiyê şandin cihê bûyerê.
Di bûyerê de 20 koçber birîndar bûn. Birîndar bi ambûlansan veguhestin nexweşxaneyên Wan û Elbakê.
Herwiha hate zanîn ku rewşa birîndaran baş e.
Li gorî agahiyên hatine belavkirin, koçberên di minîbûsê de Efxanistanî bûne û şofêr û 4 koçber jî ji cihê bûyerê reviyane.
Li aliyê din hêzên ewlehiyê ji bo desteserkirina şofêr û her çar koçberan dest bi xebatan kirine.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse