Hewlêr (Rûdaw) - Li navçeya Gurunê ya parêzgeha Sêwazê ya Bakurê Kurdistanê otobusa rêwiyan wergeriya.
Di bûyerê de 7 kesan canê xwe ji dest da û 40 kes jî birîndar bûn.
Otobusa rêwiyan ku ji bajarê Stenbolê yê Tirkiyeyê diçû parêzgeha Wanê ya Bakurê Kurdistanê û ser bi Van Golu Turîzmê ye, îro demjimêr derdora 06:30 deqe li ser rêya Pinarbaşi-Gurunê nêzîkê gundê Cilikanê wergeriya.
Li ser agahdarkirinê tîmên tenduristî, parastina sivîlan, polîs û cendirme çûn cihê bûyerê.
Tîman camên otobusê şikandin û rêwiyên di nav de derxistin.
Di bûyerê de li gorî zanyariyên destpêkê 7 kesan canê xwe ji dest daye û 40 kes jî birîndar bûne.
Birîndar ji aliyên tîmên tenduristiyê ve rakirin nexweşxaneyên derdorê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse