Hewas Egîd: Me ti caran danûstandinên ligel TEV-DEMê red nekirine

Hewlêr (Rûdaw) – Serkirdeyê Encumena Niştîmanî ya Kurd li Sûriyê (ENKS) di Îtîlafa Opozisyona Sûriyê bersiva da daxuyaniya Berdevkê Navenda Peywendiyên Dîplomatîk a TEV-DEMê Kemal Akif, ku gotiye divê ENKS ji îtîlafê vekişe.

Berdevkê Navenda Peywendiyên Dîplomatîk a TEV-DEMê Kemal Akîf dibêje li gor yasyayên heyî di çarçoveya berfirekirina rêveberiya bakur û rojhilatê Sûriyê de, ENKSê jî dikare tevlî rêveberiya nû bibe.

Serkirdeyê ENKSê Hewas Egîd bersiva Kemal Akîf da û diyar kir ku li gorî agahiyên hinek endamên îtîlafê niha TEV-DEM dixwaze biçe nava şanda danustandinkara Îtîlafê, ev di demekê de TEV-DEM ji ENKSê re dibêje ji îtîlafê ku şanda danustandinkar beşeke ji îtîlafê û hemû endamên îtîlafê ne, vekişe.

Hewas Egîd anî ziman ku ew nizanin çawa çêdibe cihekî ku ENKSê têde ye û TEV-DEM dixweze biçe wî cihî û ji ENKSê re jî dibêjin xwe jê vekişînin.

Egîd got jî wan ti caran danûstandin li gel ti alieykî ji wan jî TEV-DEMî red nekiriye û heta niha du rêkeftin jî li gel wan îmze kirine.

Bi beşdariya nûnerên ENKSê li paytexta Sûdiyê civîna Desteya Danûstandkara Opozisyona Sûriyê destpê kir û têde rêkeftina Idlib û avakirina komîteya destûrî hatin gotubêjkirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger