HESEKÊ - Eşîra Cibûran û hêzeke çekdar şer kir: Birîndar hene

Hewlêr (Rûdaw) – Li bajarê Hesekê yê Rojavayê Kurdistanê di navbera Hêzên Parastina Niştimanî ya Hikûmeta Sûriyeyê û eşîra Cibûran de şer derket.

Li gorî zanyariyên, di encama şerê Hêzên Parastina Niştimanî ya Hikûmeta Sûriyeyê û eşîra Cibûran de birîndar hene.

Eşîra Cibûran bi armanca girtina fermandarê grûpa bi navê Hêzên Parastina Niştimanî ya Hikûmeta Sûriyeyê Ebdulqadir Hemo xwepêşandanek kir.

Berî niha hatibû ragihandin ku Ebdulqadir Hemo ji Hesekê derketiye lê nivîsîngeha ragihandinê ya Rêveberiya Xweser diyar kir ku Hêzên Parastina Niştimanî red dike ku fermandarê wan ji Hesekê derketibe.

Hêzên Parastina Niştimanî herwiha ragihand ku Ebdulqadir Hemo ji erkê xwe jî nehatiye dûrxistin.

Sedema wê aloziyê jî ew e ku Ebdulqadir Hemo, li Çargoşeya Ewlehiyê ya Hesekê, bi tundî li Şêx Ebdul Ezîz El-Mislit ê şêxê êşîra Cibûran daye û kesekî ji wê eşîrê jî bi destên çekdarên wî hatiye kuştin.

Endamên eşîra Cibûran û Hêzên Parastina Niştimanî ya Hikûmeta Sûriyeyê li bajarê Hesekê bi hev ketin.

Li gorî agahiyên destpêkê di şerê navbera her du aliyan de kuştî û birîndar hene. pic.twitter.com/x64yN6flpU

— RudawKurdi (@RudawKurdi) August 15, 2023

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger