Hewlêr (Rûdaw) - Li navçeya Artukluyê ya Mêrdînê keriyê şivanekî bi jehrê ket û 110 mih û bizin mirar bûn.
Li gorî zanyariyan doh li gundê Bîrtawayê yê navçeya Artuklûyê keriyê şivanekî kete nav zeviyekî garisan.
Keriye pez li wir ava ku gubre û madeyên kîmyewî tevlî bûbûn vexwar.
Xwediyê zeviyê ew made û gubre ji bo ku berhemên xwe derman bike danîbûne wir.
Piştî demekê ji 180 ajelên kerî bi wê avê jehrî ketin û 110 mih û bizin ji wan mirar bûn.
Şivanê ku bi derfetên xwe tenê 70 ser ajel rizgar kirine, tîmên rêveberiya tendirustiyê ya bajêr û cenderme ji rewşê agahdar kiriye.
Piştî pişkinînan diyar bûye ku ew ajel ji ber ava bi gubre mirar bûne.
Tîman li ser bûyerê dest bi lêkolînê kir.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse