Hewlêr (Rûdaw) - Saziya Keşnasiyê ya Tirkiyeyê ragihand ku li Bakurê Kurdistanê germahî zêde dibe û îro digihe 44 pileyan.
Li gorî Saziya Keşnasiyê ya Tirkiyeyê, li Bakurê Kurdistanê pileya germê li gorî demsalê di navbera 6-10 pileyan de bilindtir e.
Îro li parêzgehên Riha, Amed û Êlihê yên Bakurê Kurdistanê pileya germê 44 e û heta çarşemê digihe 45 pileyan.
Li bajarên Serhedê yên wekî Wan û Erzeromê jî pileya germê heta 31-33 pileyan dadikeve.
Roja 16ê Tebaxê pileya germê li Riha û Amedê 44, li Êlih, Semsûr û Dîlokê 43, li Sêrtê 42, li Meletiyê 40, li Mêrdînê 39, li Erzeromê 33 û li Qersê jî 32 pile ye.
Heman rojê, li Wana ku bajarê herî hênik ê bajarê Bakurê Kurdistanê ye germahî 31 pile ye.
Li tevahiya Bakurê Kurdistanê pileya germê heta çarşemê 1-2 pileyan bilind dibe.
Ji aliyê din ve, li beşa Ewropayê ya Stenbolê û li hinek bajarên Herêma Marmarayê îro baran dibare.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse