FOTO - Berpirsa Jinên DAIŞê hate girtin

Kerkûk (Rûdaw) – Polîsên Qeza û Nahyeyên Kerkûkê, li nahyeya Zapê ya Kerkûkê, berpirsa perwerdekirina jinên DAIŞê, desteser kir.

 

Rêveberê Polîsên Qeza û Nahyeyên Kerkûkê Emîd Serhed Qadir ji Rûdawê re ragihand: “Piştî zanyarî gihiştine destê me, ku berpirsa jinên DAIŞê dize kiriye nav bajarê Kerkûkê, roja Înê 14.07.2017, di operasyonekê de Berpirsa Dîwana Fêrkirinê ya DAIŞê Texrîd Ebdullah li nahyeya Zapê hate desteserkirin.”

 

Serhed Qadir da zanîn, ku Texrîd Ebdullah hevjîna berpirsekî serbazî yê DAIŞê yê bi navê Şefîq Samî Seîd e û li gorî madeya 4 a terorê, derbarê wî de jî biryara girtinê heye.

 

Emîd Serhed Qadir herwiha got, Texrîd Ebdullah ji bo jêpirsînê şandine asayîşê û ew dê li gorî madeya 4 a terorê were darizandin.