Hewlêr (Rûdaw) – Heciyê bi navê Hisên Hemîdê ji bajarê Qamişloyê li Girê Erefeyê yê Mekkeyê wefat kir.
Li gorî zanyariyên Rûdawê, vê sibehê dema Hecî Hisên Hemîdê 78 salî bi xanima xwe ya bi navê Hecî Fatma Îbrahîmê re dixwest biçe ser Girê Erefeyê, rojê li wî daye û ji germa wefat kir
Piştî 2 rojên din dê li Kabeyê nimêja bikom li ser cenazeya Hecî Hisên Hemîd bê kirin û cenazeyê wî dê li goristana Şerayî ya Mekeyê bê veşartin.
Her kesê ku di dema Hecê yan jî Umreyê de dimire li Goristana Şerayî tê veşartin.
Li gorî zaniyariyên Rûdawê, tenê ji Parêzgeha Hesekê zêdeyî 500 welatiyên Kurd bi rêya Şamê çûne Hecê.
Li aliyê din, ji 115 Kurdên ji Rojavayê Kurdistanê yên li Herêma Kurdistanê dijîn ji Wezareta Navxwe ya Herêma Kurdistanê destûr standiye û çûne Hecê.
.webp&w=3840&q=75)
