Kurdistan
Nêçîrvan Barzanî: Divê ji bo hilbijartinên Herêma Kurdistanê di demeke kurt de gav bêne avêtin
Hewlêr (Rûdaw) - Serokê Herêma Kurdistanê bi Komîsyona Bilind a Serbixwe ya Hilbijartinên Iraqê re civiya û got, “Divê ji bo hilbijartinên Herêma Kurdistanê di demeke kurt de gav bên avêtin.”
Serokê Herêma Kurdistanê Nêçîrvan Barzanî îro Pêncşemê li Hewlêrê bi Komîsyona Bilind a Serbixwe ya Hilbijartinên Iraqê re civiya ku li ser vexwendina Serokê Herêma Kurdistanê ji bo guftûgokirin û pêngavên amadekariyê yên hilbijartinên Parlamentoya Kurdistanê serdana Hewlêrê kirin.
Di civînê de Nûnera Taybet a Sekreterê Giştî yê Neteweyên Yekbûyî ya Iraqê Jenine Plaschardt, Cîgirên Serokê Herêma Kurdistanê, tîmeke pispor a UNAMI û serok û endamên Encûmena Komîsyonên Iraqê amade bûn.
Nêçîrvan Barzanî di axaftina xwe de got “Divê ji bo hilbijartinên Herêma Kurdistanê di demeke kurt de gav bên avêtin.”
Li gor daxuyaniya Serokatiya Herêma Kurdistanê, Nêçîrvan Barzanî amadehiya Hikûmeta Herêma Kurdistanê û hemû aliyên pêwendîdar ji bo serxistina proseyê nîşan daye.
Jeanine Plaschardt û tîma UNAMIyê piştevaniya xwe ji bo pêngavên Nêçîrvan Barzanî nîşan dan û amadebûna xwe ya ji bo pêşkêşkirina alîkariyan ji bo lidarxistin û serkeftina hilbijartinan nîşan dan.
Serokatiya Herêma Kurdistanê ragihand ku Komîsyona Bilind a Serbixwe ya Hilbijartinên Iraqê û Encûmena Komîsyaran ji bo vexwendin û balkişandina li ser danûstandin û gotûbêjan spasiya Serokê Herêma Kurdistanê kirin û “Biryar hat dayîn ku ji bo diyarkirina roja hilbijartinan di peywendiyê de bin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse