Hewlêr (Rûdaw) - Li navçeya Miksê ya ser bi parêzgeha Wanê ya Bakurê Kurdistanê û çend gundên li navçeyên bilind tîm hewil didin rêyên ku ji berfê hatine girtin careke din vekin.
Di çend rojên borî piştî baraneke zêde, pêleke berfê li beşek ji parêzgehên Herêma Serhedê destpêkir û ji ber berfê li navçeyên bilind rêyên hinek gundan hatine girtin.
Li navçeya Miksê ya Wanê tîmên Şaredariya Bajarê Mezin ya Wanê hewil didin rêyên ku ji ber wê berfê hatine girtin vekin.
Rêya gundên Turan, Koçkiran û Dagverenê yên Wanê yên li ser sînorê di navbera Rojhilatê û Bakurê Kurdistanê jî ji ber berf û pûkê hatin girtin û tîman ji bo vekirina rêyên wan gundan jî dest bi xebatan kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse