Hewlêr (Rûdaw) – Li ser sînorê Rojhilatê Kurdistanê, Supaya Pasdaran a Îranê gulle reşandin ser bazirganên sînor û hejmarek ji wan kolberan birîndar bûn.
Rêveberê Polîsê Qeladizê Hesen Xidir ji Rûdawê re ragihand, li ser sînorê Rojhilat û Başûrê Kurdistanê, Supaya Pasdaran gulle reşandine ser kolberan û hin ji wan birîndar bûne.
Hesen Xidir destnîşan kir, kolberên ku hatine birîndarkirin xelkê Rojhilatê Kurdistanê ne û li nêzîkî navçeya Hêro ya ser sînorê Rojhilat û Başûrê Kurdistanê li wan teqe hatiye kirin.
Kolberên birîndar ber bi nexweşxaneyên Başûrê Kurdistanê ve hatine veguhastin.
Hesen Xidir herwiha diyar kir: “Em hewl didin ku zanyariyên zêdetir bi dest bixin û herwiha em alîkariya wan dikin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse