Hewlêr (Rûdaw) – Heftemîn û bişûktirîn keça pesewa Qazî Mihemed, Serokê Komara Kurdistanê ya bi paytextiya Mihabadê, li welatê Urdinê koça dawiyê kir.
Li gor zanyariyên Rûdawê, Miryem Qazî roja Yekşemê 15ê Adara 2020an bi sedema nexweşiyê li paytexta Urdinê bajarê Emmanê wefat kiriye.
Kurmamê Miryem Qazî, Seid Qazî di daxuyaniyekê de li gel Rûdawê ev nûçe piştrast kir û got: “Miryem Qazî bi sedema nexweşiyê li bajarê Emman, paytexta welatê Urdinê wefat kir”.
Seid Qazî herwiha got, “bi sedema belavbûna vîrusa Koronayê, em nikarin niha termê Miryemê vegerînin Kurdistanê û şînê jê re danin” û tekez kir, dibe ku ew cenazeyê Miryem Qazî “bi awayekê demkî li Urdinê” bi axê bispêrin.
Miryem Qazî di sala 1945an de û şeş mehan berî damezrandina Komara Kurdistanê li bajarê Mihabadê ji dayik bûbû û zaroka herî dawiyê ya pesewa Qazî Mihemed û Mîna Qazî bû.
Miryem Qazî:
Sala 1945an li Mihabadê ji dayik bûye.
Şeş mehan berî damezrandina Komara Kurdistanê ji dayik bûye.
Zaroka dawî û herî bişk a Qazî Mihemed e.
Li Mihabadê mezin bûye û qonaxa dibistanê li heman bajarê qedandibû.
Qonaxên din ên xwandinê li Tehranê qedandibû.
Li Tehranê li gel Serdar Begê Caf zewicîbû.
3 zarokên wê yên bi navên Sîrwan, Seyran û Soma hene.
Roja 15ê Adarê li paytexta Urdinê bajarê Emmanê koça dawiyê kir.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse