Merîwan - Kampanyaya çandina şitilên daran birêveçû

Merîwan (Rûdaw) – Li bajarê Merîwanê yê Rojhilatê Kurdistanê xwandekarên qonaxa pêncem a seretayî kampanyayeke çandina şitilên daran birêve birin.

 

Ew kampanyaya wan li ser pêşniyara rêveberê dibistanekê bûye.

 

Di wê kampanyayê de, xwandekaran li bilindahiyên derdora bajarê Merîwanê şitilên daran çandin.

 

Kampanyaya wan xwandekaran bi alîkariya xizm û kesûkarên wan û Encumena Kesk a Çiya ya Merîwanê birêveçû.

 

Xwandekarên beşdar di kampanyayê de dibêjin, ew dixwazin wan roleke zêdetir di parastina jîngeh û daristanan de hebe.