Hewlêr (Rûdaw) - Li parêzgeha Wanê ya Bakurê Kurdistanê ji 15 kesên ku hatibûn desteserkirin 7 ji wan bi îdîaya qaçaxçîtiya koçberan hatin girtin.
Li gorî daxuyaniya Rêveberiya Ewlehiyê ya Wanê, di çarçoveya “rûbirûbûna qaçaxçîtiya koçberan û bazirganiya mirovan” de di navbera 8 û 14ê Kanûna Paşîna 2024an de 15 kes hatibûn desteserkirin.
Herwiha piştî kar û barên yasayî ji wan 7 kes bi îdiaya qaçaxçîtiya koçberan ji aliyê dadgehê ve hatin girtin.
Parêzgeha Wanê bi salan e wekî rêyeke qeçaxçîtiya koçberan di navbera sînorê Rojhilat û Bakurê Kurdistanê de tê bikaranîn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse