Hewlêr (Rûdaw) - Fermandarê operasyona hevbeş ya Iraqê ragihand ku rewşa parêzgeha Kerkûkê li jêr kontrola hêzên emnî de ye, û pêwîstî bi şandina hêzeke din nîne.
Derbarê rewşa bajarê Kerkûkê yê Başûrê Kurdistanê de Fermadnariya operasyonên hevbeş Emîd Yehya Resûl ragihand, ku ew agahdar in çi li Kerkûkê û deverê wê diqewime.
Emîd Yehya Resûl tekez kir ku “hêzên emnî” gelek operasyonan di warê lêgerîn û pişkinînê pêk tînin, bi taybet li devera Hewîca û navçeyên ku girêdaye rêveberiya Kerkûkê.
Li gorî daxuyaniya Berdevkê Fermadnariya operasyonên hevbeş, ku gelek tewanbar heta niha hatine girtin, û lêkolîn li gel wan berdewam e.
16ê cotmeha 2017ê çekdarên Heşda Şeibî û hêzên iraqî bi piştevaniya Supaya Pasdaran a îranî bi çekên giran êrişî Kerkûkê kirin û bajêr kontrol kiribûn û ji wê demê heta niha gelek agahî têne bihîstin ku ji aliyê hêzên ser bi Iraqê ve mafên mirovî yên welatiyên bi taybetî jî yên Kurd binpê dikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse