Nêçîrvan Barzanî: Ez xelkê Silêmaniya ezîz ji dil û can pîroz dikim

Hewlêr (Rûdaw) – Silêmaniya “paytexta rewşenbîriyê, bajarê evîn û jiyanê” beriya niha bi 239 salan hat avakirin.

Serokê Herêma Kurdistanê Nêçîrvan Barzanî, bi boneya salvegera avakirina Silêmaniyê peyamek belav kir.

“Xelkê bajarê xebat û qurbanîdayînê ji dil û can pîroz dikim”

Serokê Herêma Kurdistanê di peyama xwe de got:

“Ez bi boneya salvegera 239an a avakirina paytexta rewşenbîriya Kurdistanê, bajarê Silêmaniyê yê ezîz, xelkê bajarê xebat û qurbanîdayînê ji dil û can pîroz dikim.”

Nêçîrvan Barzanî di berdewamiya peyama xwe de bal kişand ser girîngiya Silêmaniyê û pê de çû:

“Silêmanî tim bajarekî zîndî bû. Di azadî, serfirazî, qurbanîdayîn û xebata gelê me de rol û pêgeheke wê ya bibandor çêbûye.

Ji bo Silêmanî û hemû bajarên din ên Kurdistanê hêviya serkeftin û pêşketina berdewam dikim.”

Hîmê bajarê Silêmaniyê ji aliyê Îbrahîm Paşayê Baban ve hatiye danîn û wî navê bavê xwe li bajêr kiriye.

Silêmanî wê demê paytexta Mîrektiya Babanan bû û îro jî paytexta rewşenbîriyê ya Kurdistanê ye.

بە بۆنەی ٢٣٩هەمین ساڵیادی بنیاتنانی پایتەختی ڕۆشنبیریی كوردستان، شاری سلێمانیی ئازیزەوە، گەرمترین پیرۆزبایی لە خه‌ڵکی شاری هەڵمەت و قوربانی دەكەم.

سلێمانی هەمیشە شارێكی زیندوو بووە و ڕۆڵ و پێگەیەكی كاریگەر و دیاری هەبووە لە خەبات و قوربانیدان بۆ ئازادی و سەرفرازیی گەلەكەمان.… pic.twitter.com/8unts9Otoe

— Nechirvan Barzani (@IKRPresident) November 14, 2023

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger