Dîmenê agir\ Wêne: Rûdaw
Hewlêr (Rûdaw) – Li Herêma Pîşesaziyê ya Silêmaniyê agirekî mezin derketiye û tîmên Parastina Sivîlan hewl didin agir vemirînin.
Herêma Pîşesaziyê ya Silêmaniyê li navenda bajêr e û ji ber agir dûmaneke mezin li asmanê bajêr kom bûye.
Nûçegihanê Rûdawê Pêşewa Bextiyar diyar kir ku agir li 2 ambaran derketiye û heta niha agir nehatiye vemirandin û agir mezintir dibe.
Li gorî zanyariyan ew ambarên dişewitin ambarên plastîk û madeyên paqijkirinê ne.
Her wiha li gorî zanyariyên Pêşewa Bextiyar heta niha sedema agir nayê zanîn û zerera agir jî diyar nebûye.
Şahidekî bûyerê da zanîn ku ti kes li cihê agir nebûye û ti zerera canî jî çênebûye.
Li gorî şahidê bûyerê di destpêka agir de bi tenê otomobîleke îtfaîyeyê çûye cihê bûyerê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse