Hewlêr (Rûdaw) – Encûmena Parêzgeha Kerkûkê 3 qaymeqamên nû tayîn kirin û her sê jî Ereb in.
Her wiha dê qaymeqamek jî ji bo pişka Tirkmenan were tayînkirin.
4 navçeyên parêzgeha Kerkûkê ew jî wiha ne: Navenda Kerkûkê, Hewîce, Daqûq û Dubis.
Encûmena Parêzgeha Kerkûkê îro civiya.
Fraksiyona Partiya Demokrat a Kurdistanê (PDK), Serweriya Sunneyan û Bereya Tirkmenan tevlî civînê nebûn.
Di civînê de 3 qaymeqam hatin hilbijartin ku her sê jî Ereb in.
Sadûn Hemîd wekî qaymeqamê Hewîceyê, Şêx Sîraceddîn Nazim wekî qaymeqamê Daqûqê û Adil Îshaq wekî qaymeqamê Dubisê hat tayînkirin.
Li gorî peymana pêkanîna îdareya parêzgariya Kerkûkê dê qaymeqamiya navçeya Navenda Kerkûkê jî ji Tirkmenan re be.
Di civîna îro de dengdan li ser posta qaymeqamiya navçeya Navenda Kerkûkê nehat kirin û biryar hat standin ku piştre dê civîn ji bo tayînkirina qaymeqamê navçeya Kerkûkê were kirin.
Bi wî awayî ti posteke qaymeqamiya Kerkûkê bi Kurdan nayê dayîn.
Li gorî peymana fraksiyona Yekîtiya Niştimaniya Kurdistanê (YNK) ya Encûmena Parêzgeha Kerkûkê û fraksiyonên Ereb û Tirkmenan posta parêzgariyê dê ji bo YNKyê û postên qaymeqamiyê jî ji bo pêkhateyln din be.
10ê Tebaxa 2024an Endamê Encûme Parêzgeriya Kerkûkê yê YNKyê Rêbiwar Taha wekî parêzgarê Kerkûkê hatibû hilbijartin.
Piştî hilbijartinan bi 8 mehan parêzgar û Serokê Encûmena Parêzgeha Kerkûkê hatibû hilbijartin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse