Soran: Welatiyek di dema masîgiriyê de xeniqî

Hewlêr (Rûdaw) - Welatiyek di Gola Çinaran a girêdayî Îdareya Serbixwe ya Soran de dema ku masî digirtin xeniqî.

Berdevka Berevaniya Şaristanî ya Soranê Beyar Balekî îro Înê 14ê Cotmeha 2022an, ji Rûdawê re ragihand, piştî ku ew hatine agahdarkirin, tîmên wan gihîştine cihê bûyerê û cenazeyê Ebdullah Şehab dîtin ku di dema masîgiriyî de xeniqiye.

Kesê ku canê xwe ji dest daye di sala 1995an de ji dayîk bûye û xelkê taxa Herêm a navçeya Soranê bûye.

Dema derxistina cenazeyê ciwanê bi navê Abdullah Şehab ê ku îro di Gola Çinaran a navçeya Rewandizê de xeniqî.

Rêveberiya Berevaniya Sivîl: Di dema masigiriyê de xeniqiye û bi tenê bûye. pic.twitter.com/M0XxYYqX0B

— RudawKurdi (@RudawKurdi) October 14, 2022

Beyar Balekî her wiha anî ziman, “Wî kesî îro danê sibê ji malbata xwe re gotiye ku ew diçe masîgiriyê, piştî çend demjimêran telefona wî kirine lê wî bersiv nedaye. Ji ber vê yekê endamên malbata wî çûn ser çem û cil û pêlavên wî dîtin û hatin cihê bûyerê. Paşê peywendiyê bi rêveberiya me re dikin û tîm gihîştine cihê bûyerê. Piştî lêgerîna demjimêrekê, cenazeyê welatiyê xeniqî hat dîtin.”

Ji destpêka îsal ve heta niha 12 welatî di çemên girêdayî Îdareya Serbixwe ya Soranê de xeniqîne.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger