Hewlêr (Rûdaw) - Li navçeya Siwêregê ya parêzgeha Rihayê ya Bakurê Kurdistanê, otomobîlek wergeriya û di encamê de kesekî canê xwe ji dest da û 3 kes birîndar bûn.
Li nêzîk gundê Minûtê yê Siwêregê li ser rêya Wêranşarê, îro otomobîlek ji rê derket û wergeriya.
Di encama qezayê de Reşit Baskinê 84 salî li cihê bûyerê canê xwe ji dest da û 3 kesên din jî birîndar bûn.
Li ser agahdarkirinê tîmên tenduristiyê, tîmên parastina sivîlan û cendirme çûn cihê qezayê.
Tîmên tenduristiyê birîndar veguhastin Nexweşxaneya Dewletê ya Siwêregê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse