Hewlêr (Rûdaw) – Rêxistina Amerîkî CPTyê ragihand ku di nava 33 salan de li Herêma Kurdistanê 425 sivîlan ji ber êrişên Îran û Tirkiyeyê canê xwe ji dest daye.
Tîmên Aştiyê yên Civakî (CPT) îro êvarî li Silêmaniyê derbarê amarên êrişên Îran û Tirkiyeyê yên li Herêma Kurdistanê daxuyanî da.
CPT ku girîngiyê bi qeydkirina binpêkariyên Îran û Tirkiyeyê yên li Herêma Kurdistanê dide, di daxuyaniyê de rapora xwe ya bi navê “Qurbaniyên Sivîl ên Operasyonên Leşkerî yên Tirkiye û Îranê yên li Herêma Kurdistanê” belav kir.
Di wê raporê de binpêkariyên 33 salan hene.
Li gorî raporê di êrişên Tirkiye û Îranê de herî kêm 845 kes birîndar bûne an jî jiyana xwe ji dest daye.
Ji wan 702 kes ji aliyê dewleta Tirkiyê ve û 143 jî ji alyê Îranê ve bûne qurbanî.
Di raporê de wiha hat gotin:
“Ji 702 kesên di encama êrişên Tirkiyeyê de bûne qurbanî, 344 sivîl hatin kuştin û 358 kes jî birîndar bûn.
Di êrişên Îranê de ku 143 kes bûne qurbanî, herî kêm 81 kesan jiyana xwe ji dest da û 62 kes jî birîndar bûn.
Li gorî raporê ji ber êrişên her du welatên navborî zêdetirî 170 gundên Herêma Kurdistanê hatine valakirin û çûna wan herêman qedexe ye.
Herwiha 602 gundên din jî di bin metirsiyê de ne û piraniya şêniyên wan koç kiriye.
CPTyê bi bîr xist ku artêşa Tirkiyeyê sala 2015an gundê Zegellê yê li Quntara Qendîlê bombebaran kir û di encamê de 18 sivîlan canê xwe ji dest da.
CPTyê da zanîn ku ew yekemîn êrişa bi dronan a Tirkiyeyê ya li Herêma Kurdistanê bû.
Ev yek jî da zanîn ku ew piştî bidawîbûna pêvajoya aştiyê ya di navbera Tirkiye Tirk û PKKyê de ev bombebarana yekem bû.
Wê rêxistinê bal kişandiye ser wê yekê jî armancgirtina sivîlan binpêkirina mafên mirovan e.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse