Hewlêr (Rûdaw) – Cîgirê Serokwezîrê Herêma Kurdistanê Qubad Talebanî, bi boneya wergirtina Xelata Zêrîn a Stevieyê, Tora Medyayî ya Rûdawê pîroz kir.
Di çarçoveya Xelatên Stevieyê de, xelatên navdewletî yên Businessê hatin ragihandin û Tora Medyayî ya Rûdawê wekî "baştirîn medyaya bi mezinahî navîn a salê" li ser astê cîhanê, xelata "Company of the Year" ango (Kompanyaya Salê) wergirt.
Cîgirê Serokwezîrê Herêma Kurdistanê Qubad Talebanî di peyamekê de ku li ser hesabê xwe yê medyaya civakî parve kir, Rûdaw pîroz kir.
"Pabendbûna wan a bi profesyoneliyê li Herêma Kurdistanê dibe alîkar"
Qubad Talebanî, Rûdaw pîroz kir û got:
“Ez Tora Medyayî ya Rûdawê pîroz dikim ku di beşa Baştirîn Kompanyaya Medyayê ya sala 2023an de Xelata Zêrîn a Stevieyê wergirtiye.
Pabendbûna wan a bi profesyonelî û xemxariya medyayî ji bo pêşvebirina medyayeke saxlemtir a li Herêma Kurdistanê dibe alîkar.
Hêvî dikim kanal û xebatkarên wê di pêşvebirina rojnamegeriya pêbawer û bibandor de berdewam bin.”
Xelatên Stevieyê dê roja 13ê Çiriya Pêşîn li Romaya paytexta Îtalyayê bi merasîmeke mezin bên belavkirin.
Congratulations to Rudaw Media Network on winning the Gold Stevie Award for Best Media Company of 2023. Their dedication to media professionalism and integrity helps promote a healthier media landscape in the Kurdistan Region. I wish the network and staff continued success in…
— Qubad Talabani (@qubadjt) August 14, 2023
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse