Hewlêr (Rûdaw) – Çavkaniyekî ji Polîsê Kerkûkê ragihand, roja Şemiyê DAIŞê li navçeya Daqûq a Kerkûkê, zarokek revand û mala mixtarekî jî teqand.
Çavkaniyê ji ji Polîsê Kerkûkê ji Rûdawê re got, “Hejmarek çekdarên DAIŞê danê êvarê derbasî gundê Simûdê li navçeya Daqûq a li başûrê Kerkûkê bûn û nîv demjimêrekê li wir man. Piştre mala mixtarê gund teqandin û kurê rêveberê dibistana gund revandin û vekişiyan.”
Her wiha hat ragihand, “Gund nêzîkî çepereke polîsê federal bû û haya wê hêzê ji tevgera DAIŞê nebû.”
Li gor zanyariyan, çekdarên DAIŞê cil û bergên polîsên federal li xwe kiribûne û rasterast çûne mala mixtarê gund Îbrahîm Hesen bişewitînin.
Piştî bûyerê hejmareke zêde ya hêzên artêşa Iraqê ber bi gundên Ebû Mihemed, Kobanî û Simûdê ve çûn û hêzên xwe li ser sînor bi cih kirine.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse