Hewlêr (Rûdaw) - Li gorî ragihandina parlamenterekî Hevpeymaniya Feth, îro serokê wê hevpeymaniyê, Hadî Amirî dê bi serokatiya şandeke Çarçoveya Hevahengiyê serdana Hewlêr a paytexta Herêma Kurdistanê bike û bi Serok Mesûd Barzanî re bicive.
Parlamentera Hevpeymaniya Feth, Medîhe Meksûsî ji Rûdawê re ragihand, serdana Hadî Amirî ne ji bo pêşkêşkirina destpêşxeriyan e lê ji bo gotûbêjkirina rewşa siyasî ya Iraqê ye.
Li gor wê parlamenterê, Amirî û Serok Barzanî dê li ser avakirina hikûmetê gotûbêjan bikin, beşeke wan gotûbêjan li ser danûstaninên pêkanîna hikûmeta dahatî ya Iraqê dibe ku biryare Çarçoveya Hevahengiyê pêk bîne.
Tevî ku behsa wê yekê tê kirin Hadî Amirî li gel serkirdayetiya Yekîtiya Nîştimanî ya Kurdistanê (YNK) jî dê hevdîtinekê bike lê wê parlamentera Feth yekalî nekir ka dê Hadî Amirî îro serdana Silêmaniyê jî bike yan na.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse