Hewlêr (Rûdaw) - Serokê Herêma Kurdistanê Nêçîrvan Barzanî, sersaxî ji malbatên karmendên Asayîşa Herêma Kurdistanê re xwest.
Li nahiyeya Qerehencîrê ya Kerkûkê çekdarên DAIŞê êrişî hêzên Asayîşa Herêma Kurdistanê kir û di wê êrişê de DAIŞiyek hat kuştin.
Herwiha endamekî asayîşê yê bi navê Ciwamêr Ezîz Reşîd di êrişê şehîd bû û karmendek jî birîndar bû.
Nêçîrvan Barzanî peyama sersaxiyê belav kir û wiha got:
“Ez sersaxiyê ji malbata şehîd Cewamer Ezîz Reşîd re dixwazim ku îro li bajarê Qerehencîrê di encama şer û pevçûnekê bi terorîstên DAIŞê de şehîd bûbû.”
Nahya Qerehencîr 15 kîlometreyan li rojhilatê Kerkûkê li ser rêya Kerkûk-Silêmaniyê ye.
Li aliyê din Asayişa Herêma Kurdistanê jî li ser êrişê daxuyaniyek belav kir.
Li gorî daxuyaniya Asayîşê, 2 çekdarên DAIŞê li nahiya Qerehencîrê êrişî hêzên wan kir.
Di wê êrişê êrişê de çekdarek hat kuştin û yek jî bi birîndarî hat girtin.
Li gorî daxuyaniya asayîşê karmendê bi navê Cewamêr Ezîz Reşîd şehîd bû û karmendekî din jî birîndar bû.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse