Hewlêr (Rûdaw) - Li parêzgeha Amedê ya Bakurê Kurdistanê di demjimêrên serê sibehê de polîsên Tirkiyê bi ser gelek malan de girtin û Berdevka Tevgera Jinên Azad Ayşe Gokkan jî di nav de gelek jin desteser kirin.
Îro Sêşemê hêzên ewlekariyê yên Tirkiyê li navend û navçeyên Amedê bi ser gelek malên siyasetmedar û çalakvanên jin ên Kurd de girtin.
Piştî pişkinîna malên wan, Berdevka Tevgera Jinên Azad (TJA) Ayşe Gokkan, Berdevka Platforma Jinên Rojnameger a Mezopotamya (MKGP) û Edîtora Jinnewsê Ayşe Guney, Hevseroka Federasyona Komeleyên Hiqûq û Piştevaniyê ya Malbatên Girtî û Hikumxarên Med (MED TUHAD-FED) Elîf Haran, Endama Komeleya Alîkariya Bi Malbatên Girtiyan re (TUAY-DER) Rabîa Ataş, Endama Meclîsa Şaredariya Rezanê Panayir Çelîk, Aktîvîsta TJAyê Zekiye Guler û gelek jinên din hatin desteserkirin.
Li gor agahiyên hatine belavkirin, polîsan bi ser malên rêvebera TUAY-DERê Bahar Akyapi û Hevseroka HDPê ya Sûrê Hatûn Yildiz de jî girtine, lê ji ber ew li mal nebûne, nehatine desteserkirin.
Derbarê sedema girtina wan de hêj ti zanyarî nehatiye zanîn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse