Hewlêr (Rûdaw) – Hêzên Parastina Gel (HPG) ragihand ku li Metînayê 6 leşkerên Tirkiyeyê hatine kuştin.
Navenda Ragihandin û Çapemeniyê ya HPGyê bi daxuyaniyeke nivîskî amarên şerê li Metînayê belav kirin.
Li gorî daxuyaniyê, gerîlayan 12ê Hezîranê saet 18:30î bi ser çeperên leşkerên Tirkiyeyê de girtiye.
HPGyê da zanîn ku di vê çalakiyê de 6 lekşer hatine kuştin û çekek giran a A4, bombeavêjek û 3 çeper hatine îmhakirin.
Li gorî daxuyaniyê, Tirkiyeyê Xakurk, Gare, Heftanîn û Metîna 7 caran bombebaran kirine.
Li hêla din, Wezareta Parastinê ya Tirkiyeyê li ser kuştina leşkerên xwe ti daxuyanî nedaye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse