RANYE – Tirkiyeyê derdora çend gundan bombebaran kir

Hewlêr (Rûdaw) – Tirkiyeyê bi balafirên şer êrişî hinek gundên Ranyeyê kir.

Bombebaranê saet 13:20î dest pê kir û gundên Zêwke û Dolî Resûyê yên bajarokê Sengeserê û gundê Paşkotelê yê bajarokê Serkeptanê hatine bombebarankirin.

Birêvebirê Bajarokê Serkeptanê Hêmin Ebdula diyar kir ku ji ber êrişê ti ziyanên canî çênebûne.

Li hêla din, ji ber bombebaranê agir bi dar û devî, pûş û pelaşê gundan ketiye.

Şêniyên Serkeptanê ji Rûdawê re da zanîn ku Tirkiyeyê du caran ew dever bombebaran kiriye û êrişê 15 xulekan ajotiye.

Tirkiyeyê bi balafirên şer derdora hinek gundên Ranyeyê bombebaran kir pic.twitter.com/P9yKinkmgT

— RudawKurdi (@RudawKurdi) June 14, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger