Rojava – Li kampa Roj a malbatên DAIŞî şewat derket

Hewlêr (Rûdaw) - Agir bi kampa Roj a malbatên çekdarên DAIŞê li bajarê Dêrikê yê Rojavayê Kurdistanê ket û di encam de hejmarek kon şewitîn.

Çavkaniyên xwecihî li Rojavayê Kurdistanê belav kirine ku roja Duşembê li kampa Roj a malbatên çekdarên DAIŞê ya li bajarê Dêrikê yê Rojavayê Kurdistanê şewat derket.

Li gor agahiyên hatine belavkirin, agir li beşa Jinên DAIŞî yên Frensî derketiye.

Di encama wê bûyera şewatê de sê konên li kampê şewitîne, lê ti zirareke canî nebûye û zirar tenê madî bûye.

Li gor amaran, li kampa Roj 727 malbatên DAIŞî hene ku nifûsa wan dike 2310 kes, ji wê hejmarê jî 1582 zarok in û ji 62 welatên biyanî ne.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger