ÊLIH - Polîsekî hevjîn û zarokê xwe kuşt û dawî li jiyana xwe anî
Hewlêr (Rûdaw) - Li parêzgeha Êlihê ya Bakurê Kurdistanê polîsekî tevgera taybet piştî ku hevjîn û zarokê xwe kuşt dawî li jiyana xwe jî anî.
Li gor zanyariyan îro 14ê Hezîrana 2022ê polîsekê taybet devera yekeyên niştecihbûnê yên Memur-Senê yên li navenda bajarê Êlihê destpêkê hevjîna û zarokê xwe bi çekê kuştiye. Li gor zanyariyan wî polîsî piştî vê yekê xwe jî bi heman çekê kuştiye.
Li ser agahdarkirinê tîmên tendirustî û hêzên ewlekariyê çûn cihê bûyerê û termê polîs, hevjîn û zarokê wî rakirin Newxeşxaneya Dewletê ya Êlihê.
Hat ragihandin derbarê bûyerê de lêkolîn hat destpêkirin.