Hewlêr (Rûdaw) - Li navçeya Şemzînanê ya Colemêrgê otomobîlek ket nav çem û di encam de kesekî canê xwe ji dest da û kesek jî birîndar bû.
Li gorî agahiyan îro li navçeya Şemzînanê ya Colemêrgê otomobîla endamê Desteya Rêveberiya Rêxistina Wanê ya AK Partiyê Bîlal Eryîgît li ser rêya Rûbarok û Şemzînanê ketiye nav çem.
Di encam de Bîlal Eryîgît li cihê bûyerê canê xwe ji dest da û kesek jî birîndar bû.
Li ser agahdarkirinê tîmên tenduristiyê û rizgarkirinê çûn cihê bûyerê.
Tîmên tenduristiyê kesê birîndar veguhast Nexweşxaneya Dewletê ya Şemzînanê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse